[遊記-4]火星旅途結束

Day 4

今日係比較悶既一日，主要係由酒店直踩揸返去Reyjkavik，再途中停返未去既景點，因為都要揸6-7 hours所以有second driver會無咁痛苦。

事關唔想咁夜先返到酒店，所以今日食完早餐10點鐘就開始出發，之後直踩2.5hours 去vik睇黑沙灘。

By the way冰島真係點影都咁靚，因為佢每一個地方都係雪山包圍，等我放d 揸車沿路既相比你地睇下先。

下就1點鐘返到黎vik，我地去左Ice Cave Bistro呢間野到食Lunch，佢好似canteen咁，係counter order完自己搵位坐底，野食ready就會叫number自己拎，味道都唔錯嫁，仲有好多選擇，重點有飯，對於亞洲人黎講，真係無飯不歡。不過我地淨係叫左個羊扒配薯條，之後係咁問佢拎熱水沖杯面食。不過無影相因爲賣相唔係特別靚。

餐廳隔離有好大個souvenir store同supermarket，我地再買埋d水啊乾糧就出左去黑沙灘睇呢幾舊石

今日天氣好差，不停落雨，仲要勁大風，誇張到我地一路行一路要MJ pose先balance到個人，然後D沙打落個身同埋塊面好鬼痛。

我地凍到頂唔順好快手影完相就即刻跳返上車走，然後揸多10分鐘左右就去到真正既Reynisfjara Beach同埋Hálsanefshellir Cave。

一去到Hálsanefshellir Cave，好多人，影相要好有耐心等人讓先得。同埋D石好鬼難爬好滑，就算著住對Timberland都要人扶先企到上去。要小心既係呢到好大浪，早排有兩個強國情侶比浪捲走左，連條c都揾唔返好恐怖。

影完相，就去到Skógafoss，我覺得係一個好普通既瀑布，主要都係為左影呢張相而去

因爲個度都幾食風，所以瀑布d浪花水會飄過黎整濕哂d衫，我亦都唔敢再行前。遮係冰島其實係無用，因為係會大風到任何遮都會吹爛，所以大家唔好哂錢買遮黎冰島lol各位朋友著防風同防水既外套黎冰島係最實際。可惜今日無太陽，如果唔係真可以睇到彩虹，因為呢個瀑布另一個花名叫彩虹瀑布。

Day 4續

由於成日都係落緊雨，我地係Skógafoss逗留左10幾十鐘就走左啦，之後揸多半個鐘去埋最後一個瀑布—Seljalandsfoss。我覺得比較cool既係瀑布後面有條小路，可以比遊客同瀑布近距離接觸。

但呢段路其實一d都唔好行，其實唔路只係岩石堆，我地要踩著石先行到，加上路長期比D瀑布水打埋黎，變哂泥路好易pk。如果無著雨衣既話，全身馬上濕透哂….，係個洞入面實係又濕又凍好辛苦。

影埋呢個瀑布，我地就夜晚8點到返到酒店，最尾呢兩日市區我地都係住返Norðurey Hotel Reykjavik。返到酒店我睇到樣幾有趣既事。

原本今晚都check左天氣預報見到距離town around 30mins 車程有個地方連續幾個鐘都無雲，好大機會睇到極光，但係今晚好大風，大風到D燈燈都搖下搖下好似打緊8號風球咁。

問題黎啦，我呢間酒店佢會放個牌食係counter同你講今晚有無極光團，但係今晚明明有地方好天再加極光指數都有3，不過佢話今晚既團就cancel左。可能因為太大風揸車危險？唔知道佢地諗乜。

但係到左第二日，第二晚係完全唔好天，無落雨，極光指數亦都係得2。偏偏第二晚就有極光團出車。

我上次黎都有join過呢d極光團，佢地大概又係，7/8點搵架van仔去酒店pick up你，之後再去D中途站轉大旅遊巴一車4-50人去睇極光，睇到11點到就送返你返酒店。個晚又係好多雲一粒星都睇唔到極光指數亦都係得2，但係個團都係照出。所以我覺得呢D咁既極光團其實都幾揾笨，不過hkd500一個人，如果你真係無人識揸車都係一定要join嫁啦。

雖然話就話今晚都睇到極光，但係小弟相機報消之後都無心機再影相，加上都知係市區睇一定無前日郊區睇咁靚，望住堆白色似雲既東西唔知做咩，所以今晚都係早D休息算。

Day 4完

Day 5 Last day

事關聽朝走都係早機，加上朝早6點要返去租車公司還車，所以今日行程淨係行Reyjkavik市區。

今日我地揸車去左太陽航海者Sólfarið The Sun Voyager個到影相先，因為佢前面有咪標泊車位比你停低影相。

呢個野係以維京船骨架為靈感製作既雕塑，有人話係代表夢想既船，都有人話係獻比太陽既頌詩。呢到係冰島人既祖先維京人第一次登上冰島既地方。

之後我地就去左食好出名既熱狗Bæjarins Beztu Pylsur，因為都幾出名下，基本上比人認定左係冰島必食既野。但係對我黎講，佢既味道唔係特別好食，真係好普通。只不過佢可以加炸蔥做toppings口感特別d，但係都成4-50蚊hkd一舊好貴。

食完之後我地就返左去Hallgrimskirkja教堂，教堂出邊有停車場，唔洗比錢既，通常我行市區既話一定泊呢到，不過有時候要比d耐性等位。呢個教堂係雷克雅維克的地標，你一揸車接近市區，離遠已經會見到呢坐教堂，因為佢係全冰島最高最大既教堂黎。

教堂入面係免費參觀既，佢d裝修唔係特別豪華，同其他歐洲地方比，入面無任何窗花，設計比較平凡。教堂最大的特色係有個重達25噸既大型管風琴，不過未見過有人彈。

入得黎其實主要目的都係為左上佢教堂頂個觀景台，係呢到你可以360度繞場一週，每個角度都可以睇到Reykjavik不同的風景。一入教堂轉左就會有lift直上觀景台

正路買飛要係教堂入面既souvenir shop，1000isk一個人，但係其實佢係無人check飛既，我黎左兩次, 兩次都無買飛上去lol

行完教堂我地去左教堂前面條斜路既一間泰國餐廳Krua Thai Express。好多人都話呢間野麻麻地好食，但係我又覺得唔係人地講到咁差，雖然價錢呢就同其他餐廳無分別，但係又真係幾抵食嫁喎。佢每日都有個lunch set拼盤，有飯又有麵包野飲2000isk，不過我地無影相。大家如果係冰島想食返d澱粉質可以去呢間試下嫁。